عيون الحايم

صورة تعبيرية
صورة تعبيرية
معاويه الصويعي

عيون الحايم
يحُوموا طائرات اِطيار
مَداليل لادمع لا تغشِيش
يجُوبوا ( مدائن شاطحة وأقفار )
ويحطوا سابلات الريش
تشبه جوارح جارحة
ف رُؤوس العَلالي سارحة
وبان فرق حبار
جنح حط وطار
تخلط تخاطى
فاقد إمباته
تفرّق شتايت
ريشه معائط
وراه القوايم
مخالب الحائم
وهدوا توائم
نافر ورائم
مغاليل ماينشدوا
قلوقات وين إيردوا
سريعات وقت النظر إيمدوا
وللحايم نعايت
مايذوق البايت
من نسمة قبالي يعيش
وليش ياجميلة ليش !؟
يحوموا طائرات طيار
ويحطوا سابلات الريش !؟
و للحايم علامة
صافن أكمامه
يرحل وينزل والرحيل مقامه
رحلة مهول في بلاد عجامه
بين رايمة وجفول
حوام عالمجهول
وسط السراب يهيم
وقاعد يخاتل
بين الهذب والميم
مقتول من غير قاتل !
ومن ( غربة أيامه )
يبعث سلامه وقاعد يعيش
ولنظار ياوكر يدرشوا تدريش
يحوموا طائرات اِطيار
ويحطوا سابلات الريش

  • عيون الحايم